on.cc 東方互動主頁

SUN世代：遊子回巢守護親情

雛鳥振翅高飛，自由自在遨遊天際，不過鳥倦會知還，縱然外面世界很精彩，但終歸要回巢落地生根。嚮往自由的吳德曉（Dennis），興趣為先，外闖多年，從未想過回家。有日，他望着年紀老邁的父親，突然醒覺，回家打理代理日本入口食品的家業，由一隻「無腳嘅雀仔」變成孝順仔。

「未返屋企幫手之前，我真係唔知我屋企做咩生意，我以為係做餐廳，哈哈！」孻仔孻心肝，排行最細的Dennis，爸爸吳寶舜給予他極大自由，從無要求他長大後一定要回巢幫手，在毫無繼承祖業的壓力下，Dennis放膽追求自己嚮往的生活，做隻無腳雀仔。

十五歲，他隨家人移民加拿大，在當地完成大學課程後，隻身飛往日本學整車。外人覺得這是個任性衝動的決定，但Dennis得到爸爸及家人的支持：「當時無諗咁多，就係鍾意整車，呢個係興趣，好彩屋企人無反對，而我又好好彩搵到學校讀。」太子爺放下身段整車，一整就三年，本以為會整車整過世，誰知一天他突然跑回香港。

「爸爸年紀愈嚟愈大，嗰時都已經六十幾歲，而且我都玩咗咁多年，二十八歲仔啦，係時候返屋企做個孝順仔。」○四年， Dennis重返家門，協助父兄打理家族生意。萬事起頭難，自大學畢業後，他已沒有接觸過商業，更不懂銷售技巧，只好從旁偷師：「嗰時乜都唔識，好彩有阿爸、阿哥帶住見客，跟住佢哋學到好多嘢。」

不過，好心做壞事，令Dennis遇到大難題，還險令公司被日本地方政府列為黑名單：「日本有個縣想將貨品打入香港，嚟香港日式超巿做推廣，搵我哋做運輸。而退貨返日本手續多，我就話如果賣唔晒就幫手散貨，點知原來無人會買呢啲賣唔出嘅貨，於是退返日本，畀嗰邊個地方政府話無口齒，要列我哋公司做黑名單，嗰時我真係有匿埋喊，好彩最後都冇事。」

挫折失敗，未有打沉其鬥志，反而把鬥心愈燒愈旺。經過四年「實習期」，Dennis終於合格，獲委以重任，全權掌管香港生意：「阿哥要主力發展內地巿場，香港嘅生意就由我睇住。」肩負重任，壓力愈來愈大，「我唔想敗咗阿爸咁多年辛苦嘅成果，我要努力做好自己本分，用阿爸嘅人脈網絡，再擴展自己嘅網絡，令生意愈做愈大。」

經過多年的努力之後，Dennis不斷推廣日本食材巿場，助公司攀上另一個高峰，盈利增長是三十年之冠。現時他港日兩邊走，洽談生意及把日本食材引入香港。未來除了拓展家族生意外，他還致力建立公司拉麵品牌，現正與日本拉麵師傅鑽研製法，希望在短期內進佔香港拉麵巿場。

回巢九年，Dennis由一隻「無腳的雀仔」，換毛蛻變成踏實、勇於嘗試的生意人。他嘗過成功、失敗，教曉他做事一定要向前行，不可懼怕失敗：「成功係由九十九個失敗形成，只要有前路，就要向前行，其實失敗都無乜好怕。」