SUN微博：SUN潮文：啞視有陰謀？

萬里長城永不倒 千里黃河水滔滔

我每次喺茶記睇完啞視之後都會同我女朋友講分手

因為我知道，佢已經唔再明白我

佢唔知道我睇啞視所經歷過嘅有幾多

佢問我點解唔睇毛記，我真係唔想答佢

六點半新聞？西張東望？真係膚淺

究竟我仲可以繼續忍受自己嘅伴侶睇啲垃圾節目幾耐

啞視每個節目都經過認真審查、嚴格製作

係經過歷練，係經過漫長嘅試煉，每一套都有佢嘅歷史，佢嘅故事

有時侯，我自己一個坐喺茶記睇啞視

我覺得自己係孤獨，我覺得呢個世界係無人明白我

我望住部電視，入面話佢已經同毛記收視六四開

我望唔透，我望唔清究竟呢個世界仲有幾多嘢我係掌握到，我好迷茫

我畀錢嘅時侯發覺有個OL睇緊啞生啞姐跳gangnam style

我哋互相點點頭，我好感動，原來呢個世界仲有人同我有相同嘅諗法

我忍住淚水走出茶記，點起支煙，頭都無回就走番屋企

或者個OL會問，點解我會放棄同佢一齊嗌「啞洲！啞洲！」嘅機會

我唔知道，喺呢一刻，我覺得我係一個浪子

—改編自熱爆網絡文章《豆腐火腩飯》