政壇：政商定格：葉劉田二少捱餓霸靚位

梁振英同六十幾位立法會議員影大合照，呢張相勢成歷史檔案照之一，到底影呢張相有冇排位呢？尋日所見，似乎自由度好高，因為新民黨主席葉劉淑儀同副主席田北辰寧願缺席午宴，都要一早去到影相場地霸個靚位。

尋日三十幾名官員出席立法會午宴，但葉劉同田二少卻唔見人，轉個頭卻被人發現佢哋一早就到大樓地下，兩人企定定喺CY張空櫈後面，寧願玩手機打發時間都唔敢行開，好似小學生罰企咁款，非常怪相。不過，到大隊議員埋位時，大家就會發現佢哋嘅靚位好顯眼，罰企都值喎！

第一手消息請下載on.cc東方互動iPhone/iPad/Android/Windows Phone Apps

葉劉淑儀同田北辰冇去午宴，但一早去咗霸位影相，期間玩手機打發時間。