新一屆立法會尋日首次宴請政府高官同行政會議成員，按傳統食完飯之後，大家就會落地下影張全體大合照。唔知係咪有心，尋日所見，議員大都執得好正，經民聯石禮謙同張華峰、公文袋梁家傑、謝偉銓同范國威都不約而同打上橙色呔，好似用咗CY特首選舉嘅主色咁。
女議員尋日都聚埋一齊影張合照，不過蔣麗芸忽然低頭掹褲頭，身邊嘅李慧琼都望住陰陰嘴笑。埋位影相時，身材矮嘅何俊仁變成秘書處職員提供特別服務嘅對象，只見佢哋拎咗疊A4紙墊高鐵頭仁，費事佢迷失喺人叢中。
何俊仁企後排都仲未夠高，要用一疊A4白紙墊高。
特首梁振英（前排左五）與全體立法會議員合照。（霍振鋒攝）
