SUN微博：Sun畸事：毒蘋果搵鬼要
天要懲罰壞人，通常會令佢生仔冇屎忽，但淫賤黎誨淫誨盜嘅罪行實在係罄竹難書，唔少年輕人就係咁樣畀佢荼毒。個天為咗要令佢明白天下父母心，偏要佢男兒身懷孕……
淫賤黎︰好痛啊，個B仲未出嚟咩？
醫生︰先生，你要有心理準備……
淫賤黎︰究竟係咩事，係仔定係女啊？
醫生︰唔係仔又唔係女，係個蘋果。
淫賤黎︰天啊，我做錯咗啲咩，點解連叉燒都生唔出，反而要生個蘋果？我唔要啊，求其搵人領養咗佢。
醫生︰聽聞有啲台灣人好鍾意蘋果，咁啱有位正身處醫院。
無辜辜︰我都好想領養，但我要搵啲奶粉錢先。
淫賤黎︰咁點算？
醫生︰唔使驚，仲有位喺度。
菜蜆明︰唔，老竇個樣……子如其父，九成係個毒蘋果，我唔要啊！
淫賤黎︰@%*%*@!!!
醫生︰先生，你唔好咁激動……弊喇，胎死腹中……
