政壇：政商定格：《小甜甜》作者難忘龔如心
《小甜甜》漫畫係好多少女成長嘅必讀品，近期漫畫作者五十嵐優美子嚟咗香港，因為佢嘅經典之最珍藏展在港舉行，開幕禮吸引好多名人、行家同書迷到場，漫畫界嘅黃玉郎都到賀，佢哋一身青春打扮，真係畀人時光倒流嘅感覺。五十嵐優美子話佢以前經常嚟香港，今次重臨香江，佢似乎頗有感觸，直言好掛住龔如心喎。
點解佢會咁講，因為已過世嘅華懋小甜甜龔如心係《小甜甜》嘅超級粉絲，打扮都鍾意以小甜甜為造型，而龔如心同五十嵐私交甚篤，佢重臨舊地，梗有呢番思故人嘅感受啦，仲好感性咁話望龔如心可出席佢嘅珍藏展就好喇。
