政壇：政商定格：李家仁酒展跪低救o靚模
著名兒科醫生「小明」李家仁唱兒歌拿手外，都鍾意飲紅酒，尋日喺灣仔會展舉行嘅香港國際美酒展之中，由法國威登家族（Louis Vuitton）第五代後人創立嘅餐酒品牌XLV宣布成立美酒會，李家仁就係呢個會嘅首批榮譽會員之一，仲獲贈XLV嘅一支限量版Pauillac2007。
不過，一眾嘉賓擠喺狹窄嘅場地影大合照時，夾喺一眾美女之間嘅李家仁手中杯紅酒跌咗落地，玻璃碎更擊傷身旁o靚模鍾蕙芝（Lavina）嘅玉腿，小明醫生見伊人受傷，即刻俯身療傷，仲叮囑對方要好好護理以免留疤。
影大合照時李家仁杯紅酒突然跌爛，鍾蕙芝（綠裙者）小腿受傷。
李家仁（左）細心為鍾蕙芝療傷。