政壇：蔣麗芸火力猛唔使包裝
今屆立法會新丁特別多，上任一個多月之後，市民有冇識多咗﹖建仔副主席蔣麗芸應該係其中一個開始有知名度嘅議員，身為實業家蔣震嘅二千金，阿Ann喺德育及國民教育科嘅辯論中高聲質問「使唔使炒咗佢」，結果人氣激升，連喺地區為佢搏命嘅建仔中人都話，唔使刻意為佢建立形象喎。
今屆超級議員李慧琼四年前都係喺九龍西議席勝出，之後地區班兄弟姊妹用咗唔少時間為佢樹立形象，依家Starry形象仍然唔太鮮明，但亦算係成功塑造咗中產同基層嘅形象。反觀Ann，黨友就認為，佢忽成新一代炮手，且有一定嘅知名度，一直又關注中小企、商界嘅問題，已有自己嘅形象，唔使再裝身，可以專注去做地區工作。
建仔黨友指蔣麗芸有知名度，唔使再特別包裝形象。（資料圖片）
