政壇：方文雄棄選人大留後着
港區人大代表選舉仲有個幾月就舉行，香港中華總商會陣前易將，已經備選咗成三個月、工作廣獲好評嘅中總副會長方文雄（David）忽然傳出棄選消息，盛傳改由另一中總副會長、潮屬社團總會主席陳幼南披甲上陣，David接受查詢時證實此事，仲話主因係低估選舉難度與時間分配問題喎。
佢今次棄選令唔少親中人士感到意外，事關之前中總成功踢走「立會懶蟲」黃宜弘後，本身為協成行董事總經理嘅David已被指為立法會議席嘅大熱接棒人選，最後卻改由大律師廖長城出戰，並喺無對手下自動當選。
事隔不足一年，David第二度棄選，到底有乜玄機呢？有人就估佢其實係以退為進，等多幾年「坐正」做中總會長後，再轉為爭取做全國政協委員。傳將接棒出選港區人大嘅陳幼南就不評論事件。
