SUN微博：打橫嚟講：貪曾該判極刑

報載，一年輕西醫，為滿足一己變態私慾（這是醫務委員會聆訊後的判述），剛畢業後，就有系統的部署向女病者私處偷拍，同時，更猖獗地破壞病人對醫生的信任，藉檢查時，多次恣意拍攝摸乳插陰的過程，被醫委會聆訊小組主席直斥「對公眾安全構成威脅」，案情極度嚴重，故判史無前例的「極刑」──永久釘牌，永不接受復牌申請。

案情透露，這三十三歲的小醫生，○四年醫學院畢業後，○七至○八年已用數碼相機偷拍女病人胸部及陰道，○八年被投訴及揭發罪行，○九年遭警方落案控告，一○年打甩官司，一二年才被醫委會召開紀律聆訊，近日結案判處。

我仔細敍述上邊那「有才無德冇得行醫」的警世故事，緣於記起梁振英一家上星期搬入禮賓府住的新聞，佢話只用了四百九十萬作內部改建工程，唔敢大花筒，政府亦說「已經按照審慎和保守原則」來裝修的了！就算CY大汗怕熱，都不敢多置兩部冷氣機呀！並且無好似上手曾雀屎咁「高薪」搵風水佬嚟擺陣。同埋，無拆走貪曾遺下的錦鯉池，兼會照顧埋呢啲「孤魚仔」添！真有情有義！

煲呔件PK，真無血性，當年花幾百萬元起魚池，就係利用錦鯉來幫佢「擋煞」，依家，人走啦！那些魚，便立刻「用完即棄」，無利用價值嘛！多卑鄙，此廝比上述小醫生更上下其手，為私利而種下的禍根和埋下的地雷，累到香港今日無日安寧，佢對公眾安全構成的威脅，大到得人驚呀！佢仲想做乜乜政協常委或人大國家領導？真係咪制呀！畀佢做到，中國肯定無運行！判佢死刑啦！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：樓市辣招

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot