SUN微博：黐筋網相：人情紙咁薄？
老老實實，唔少人收到紅色炸彈，心入面都會「嘟」一聲。無他嘅，又要畀幾舊水又食唔飽又唔好食啲姊妹又無咩睇頭，梗係無心機啦！所以小編一向都好反感婚禮呢味嘢，嘥錢又傷感情，只不過喺傳統禮法束縛之下，大家敢怒不敢言啫。依位誠實嘅港女就唔同嘞，佢徹底體現咗咩叫「禮法豈為吾輩所用」，講到明呢個係一個明買明賣嘅遊戲。總之佢底價八舊水，畀唔起就過主。古老名言，「每個人都有個價」，自由市場供求定律，無咩問題。不過咁，自由市場，到底有幾多人肯畀八舊水睇一個港女咀嘴切蛋糕廢噏呢？小編就寧願喺屋企mytv番《雷霆掃毒》嘞。
