SUN微博：打橫嚟講：必然係「對人不對事」囉！

香港特區行政會議召集人林煥光對香港近期種種社會動盪的根源，總結為「對人不對事」，喻反對者的態度不正確！

啱呀！今天香港事端紛陳，聒噪吵鬧，無日無之，又確實多是「對人不對事」的！何解會搞成咁呢？政府高層有何解釋呢？大眾市民反對者是否傻咗不理性的呢？點解逢政府推出的政策，佢哋都大力反對，尤其是針對推行項目的主責官員？

說到底，普羅百姓不滿的，是廢柴庸官，無能力、無口齒、無承擔的虛偽者。

拿最近的行會成員林奮強「偷步賣樓風波」為例，好多人都撲出來攬佢，話打擊地產辣招幾時出台，佢全不知情。

講真，林先生有無春江水暖鴨先知的能耐，已非問題之癥結，而係一個愛講多餘話，將本來可以唔講嘅「交易內幕」，笨拙地講出禍來，才大鑊呀！咁口疏口多，咁嘅質素人才，滲入政府團隊，仲唔佗衰家？居然，會有人保佢。

坊間，矛頭瞄準政府「誠信」的弱點，下下進逼，還多一件推老婆出來擋箭的「人才」，叫人對事好呢？或對人好吖？

當一個人被質疑無誠信時，還信佢會盡承諾、守信用，辦好答應過的事？信佢生臭狐啦！

家陣，訊息在雲端的年代，速度令人再沒有耐性。一個人沒辦事能力，只靠偽語言騙哄，當人傻嘅咩！遂叫人反感得只可「對人不對事」囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：樓市辣招

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot