SUN微博:Sun畸事:奉獻日的勾搭
星期天的早上,一個高瘦,一個矮肥,在教堂外遇上,便覺臭味相投,細看之下,兩人原來都是奸道中人。
奸漢:教友你好!
漢奸:你好!
奸漢:星期天又係我哋奉獻嘅日子,唔知你帶咗啲咩嚟?
漢奸:我帶咗啲美金,好新淨,鎅手o架!啱啱QE3印出嚟畀我o架!
奸漢:咁多錢嘅?你賣咩,做咩生意o架?
漢奸:er……唔好講我啦,你又帶啲咩嚟奉獻?
奸漢:我淨係帶咗我虔誠嘅心!其他嘢相比之下,乜都只係浮雲!
漢奸:嘩!扮嘢到你吖!咁孤寒度縮嘅?
奸漢:邊度係喎!我其實拎咗隻肥雞嚟稟神o架!
漢奸:你稟完神咪又係自己食番!再講,隻肥雞又喺邊度偷番嚟?
奸漢:你咁睇我o架!我雖然寫到明係奸漢,但我唔係賊佬!
漢奸:偷呃拐騙嘅嘢,你昆第二個就得。
奸漢:好啦,隻雞唔係自己養,係一個開連鎖炸雞店嘅美國老上校送嘅。
漢奸:好咯,原來大家係自己人!
奸漢:係呀係呀!原來大家都係美國朋友!
漢奸:咁高興,唔好入去拜神喇,食隻雞先!用咩切好呢?
奸漢:用你啲美金切囉!
漢奸:係喎!你咁叻仔,跟我大佬啦,包你日日都食雞!
奸漢:好嘢!