政壇：CY着制服首檢閱童軍
香港童軍總會尋日舉行一年一度童軍大會操，特首CY梁振英罕有以一身童軍制服亮相主持檢閱。CY話已經四十年冇着過制服，對上一次着嘅係中學校服。尋日烈日當空，CY大汗疊細汗都堅持着制服出場，事關佢係童軍總領袖。CY尋日首次以總領袖身份出席童軍活動，為現場三萬個童軍覆誓，見證佢地重申宣讀誓詞後檢閱各童軍，揮手敬禮仲駕輕就熟添！
CY尋日朝早出席另一個為內地學童籌款嘅活動，就着番佢件橙色Polo競選落區「制服」。佢又喺活動上想當年，重提十幾二十年前，香港人為內地東北山林大火同華東水災熱心賑災嘅場面。說明啲乜？之唔係想提醒吓香港人，關心祖國之情早喺十幾二十年已植根港人心中囉。
CY尋日朝早着童軍服亮相。