SUN微博：教你點寫道歉聲明
（純文學）蘋果死咬三星侵犯設計，雖然法院已經判咗蘋果輸，仲要佢哋公開道歉，但係創意無限嘅蘋果並非浪得虛名，單憑一段道歉聲明已經贏番個勢。成段聲明雖然短，但係已經好客觀、理性咁講番成件事。可以睇得出，蘋果對於設計嘅爭拗已經無欲無求，筆者仲好有理由相信，如果要違背良心嘅話，蘋果會寧願唔要iPhone呢個設計。可能有啲牙痕友會話，佢無道歉喎，點先？即係咁，筆者認為，佢無講到明認錯，未必等於無悔意嘅。當然，最好梗係講清講楚啦。筆者建議，可以加番句We are not saying we made no mistakes（我們沒有說過我們沒有做錯），咁就明晒啦！Right？
