政壇：陳恒鑌酒量淺隊啤就住
民建聯新紮立法會議員陳恒鑌身兼新界青年聯會主席，不時同新界青聯兄弟姊妹聚會，感情超好。立法會選舉勝出，Ben就忙於議會工作，難得前晚立法會財委會會議準時散場，佢即時同班老友一齊去參加尖沙咀某酒店舉行嘅德國啤酒節放鬆吓。
美酒當前，佢亦只係淺嘗即止，絕對冇飲過龍，佢話偶爾會同朋友飲吓啤酒，但自己唔太飲得，所以更要小心。建仔嘅「第一梁粉」、北區區議員劉國勳都同老婆呂迪明去咗啤酒節，劉國勳話平時唔飲酒，但為咗陪老婆，都會去應酬吓，現場除咗啤酒無限量供應外，仲有德國鹹豬手同香腸等，唔怕空肚飲酒。
