政壇：黎棟國夫妻檔黑超行善

懲教署體育會一年一度嘅秋季賣物會尋日喺赤柱監獄旁嘅足球場舉行，保安局局長黎棟國仲帶埋太太出席及主禮。甚少露面嘅黎太以黑超、黑褲同黑長靴示人，但最搶眼都係佢右手無名指戴住嗰隻閃爍鑽戒，十分搶眼。

大會安排入場人士只要捐出一百元做善事，就可以食一餐由囚犯煮既監倉飯，出席活動嘅應屆香港小姐都有試食，但黎太因為孖住老公黎棟國去逛賣物攤位，唔得閒試食，兩個人行到一個賣太陽眼鏡嘅攤位時，黎太就忍唔住出手，即場幫老公揀咗副型仔黑超，兩公婆一齊做對黑超夫婦。據講今年嘅拍賣成績比去年好，最後籌得超過一百萬元。

第一手消息請下載on.cc東方互動iPhone/iPad/Android/Windows Phone Apps

黎太（左）揀咗副型仔黑超畀黎棟國（右），配成一對。