SUN熱辣：樹叢易藏身路狹難容警車
除港島半山區外，西貢、離島區等靠山住宅，都不時發生爆竊案。退休警員指出，案件與天然環境有關，因山路狹窄難容警車，加上樹多草高方便竊匪藏匿，故成爆竊黑點。
「逢係有山路嘅地方，都容易吸引竊匪，無論新界、九龍定係港島，只要住所附近有山坡有小路，植物又多，都成為爆竊嘅目標。」熟悉野外追蹤的退休高級警員凌劍剛稱。
凌劍剛解釋，竊匪毋須有高超的爆竊手法，只需多行目標單位附近山路，摸熟地形及豪宅保安措施，成功機會就會大增：「有啲竊匪會剪爛個鐵絲網，或者郁吓個閉路電視，事隔一兩日再去睇，如果無人維修嘅話，就代表嗰間屋嘅保安系統差，咁就可以鎖定目標。」他建議保安員加強巡邏近山一邊，發現有類似情況就要加緊提防。
凌劍剛指豪宅附近有山路及植物，易成為竊匪目標。