繼炸龜童後，又有另一潮童現身！網上流傳一張硬要烏龜食煙嘅相，上載照片嘅主角，仲以為自己「巧威威」，自然令巴打絲打對佢口誅筆伐。其實虐待小動物嘅事件屢見不鮮，大部分仲要係中、小學生，我國嘅仁愛精神，佢哋身上竟然絲毫不見，國家教育，盡是枉然。最折墮係仲要自己上載去社交網站認叻，你估自己係我國偉大領導人，領導人成日去視察災情、關心百姓，先有十三億人擁護、愛戴，報章先可以歌功頌德，潮童畀人鬧，只可以講句自找。
