SUN微博：打橫嚟講：點解無王管，都得嘅？

多年來，我三番四次，「中肯地」批評那個毫無管理可言的「香港貿易發展局」，尤其那幾個無王管的高層，根本就圈地為王，隻手遮天，從不聽「用家」（參展商和入場市民）的意見，每當有事發生，哪一次不是推落基層前線低級員工身上的呢？更PK的，就威逼參展商就範！

嗱！前日灣仔會議展覽中心，舉辦那個號稱「亞洲最大」的香港國際秋季燈飾展，發生火警，導致燈飾商損失慘重，亦有人因吸入濃煙不適，急送入院救治，並激起近千人鼓譟！

當然，火災嘅嘢，大家都唔想發生，講到尾乃是意外難料，但，何解一個自詡世界級的展場，竟會咁易發生電線短路而引發大火o架？事後，會展管理公司發言人表示，受過訓練的保安，在消防員到達前已將火救熄，吓！咁勁！有圖片見場內火光熊熊不特止，還有一張場外會展全貌，是濃煙沖上半空個喎！你發言人咪作大呀！喂！消防處，可會有人回應我一句係邊個救熄火的呢？疑似講大話都算啦！現場安排混亂，無人負責解釋解答任何查詢，才顯貿發局只顧收錢而不見服務的再三本性，這些劣行不只一次的了！奈何一直以來，只得本人口誅筆伐，平時無人監察他們，尤其是那些被河蟹的議員，更翹埋手唔理。大佬！會展同貿發局都係香港政府注資o架！佢哋仲話想擴張展場面積，霸地起樓呀！做議員的，好心(目及)住吓啦！無王管咁都得嘅？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：體育城改起屋？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot