多啦A夢嘅萬能、大雄嘅冇能，實在係絕配！點解咁講？因為大雄其貌不揚，做事必撞板，法寶先有存在價值。近日網上流傳一張大雄照鏡嘅靚仔網相，仲講咗句︰「我每天早上都會被自己帥醒。」鏡後嘅多啦A夢即刻一副無言以對嘅樣，其實多啦A夢又點會開心o架，如果大雄真係變靚仔，要溝靜香話咁易，即係自己隨時無得撈，要返二十二世紀搵食！仲未計大雄可能係用緊多啦A夢嘅法寶，先變得咁靚仔，仲要一副招積樣……早啲醒喇，大雄！
