SUN微博：Sun畸事：早洩入廠

貪曾同神經翰一向都打死不離親兄弟，不過唔講唔知，原來佢哋一早已經發展出一段斷背關係，仲成日約埋一齊去爆房，喺度搞三搞四。近日佢哋又約咗喺「無碼台」相會，實行要搞一場驚天地、泣鬼神嘅覆雨翻雲之事。可惜舊地重遊，難免勾起傷心事，令神經翰有點力不從心……

貪曾︰妖，衰鬼你呢排有啲虛喎……

神經翰︰吓，點解咁講？

貪曾︰衰鬼你以前鞭鞭有力，持久力仲勁過驢仔，我每朝都有得開聲，對住班麻煩友亂噏都得，依家就……

神經翰︰你即係話我早洩啫！

貪曾︰你知喇，把聲耐無開，聲帶好易出事！

神經翰︰早洩、聲帶，咁都有關？

貪曾︰衰鬼唔好理喇，睇嚟都要幫你補補佢。

神經翰︰我同你講，肥雞、鮑魚都幫我唔到，我個無碼台就嚟執笠，我鬼有心情咩？

貪曾︰咁又係，不如睇吓醫生，你又神神化化咁，睇完醫生，喺醫院開埋咪都仲得，實冇人話你！

神經翰︰咦，好橋，我即刻搞入院手續，順手搞掂埋個早洩問題先！