政壇：搞搞政：黃靜文唔做官仲搶手
黃靜文自從唔做政制及內地事務局副局長後，大家都好關注佢嘅動向。但叻人真係唔使愁前程，聽講休息咗一排嘅佢，已經有好多人向佢招手。
前老闆、政制及內地事務局局長譚志源一直想搵佢回巢，但出盡辦法力邀，佢始終亦不為所動。我哋聽聞，公營機構都對佢有興趣，負責招聘平機會主席嘅獵頭公司，都有搵佢參與遴選，但佢肯唔肯做就係另一回事喇。
究竟仲有乜嘢人向佢招手呢？據聞香港廠商聯合會現任行政總裁梁世華稍後任滿後可能唔玩，所以有人一諗就諗到長袖善舞嘅黃靜文。據聞一切斟介都仲係好初步，各方回應時都好小心。
其實官場叻女加入大商會已蔚然成風，最早有前政務司司長唐英年嘅前愛將袁莎妮加入香港總商會做行政總裁，最近又有商務及經濟發展局常秘蘇家碧加盟工業總會做總經理。到底黃靜文喺邊度落戶？
設計圖片及對白