政壇：政商定格：民主阿婆孤獨行悶街
雖然已屆耄耋之年，兼且政治能量已微乎其微，但有「民主阿婆」之稱嘅前政務司司長陳方安生仍然樂此不疲，每逢有重大政治事件發生，都會不甘寂寞出嚟抽水，妄想繼續指點江山。正所謂「人走茶涼」，以往圍住喺佢身邊團團轉嘅傍友都唔多見到，前日傍晚接近六點鐘，就見佢一個人孤伶伶咁喺銅鑼灣利園商場行悶街，期間走咗入一間名店，左睇右睇、左揀右揀，跟住頭耷耷咁離開店舖。
風光不再嘅佢點解搞到行街都好似漫無目的咁呢？話時話，大前晚貪曾約埋成班「曾朋友」喺中環香港會所食飯，但民主阿婆冇份，連「哎吔細佬」有飯局都唔預佢，唔怪得要行悶街囉！
民主阿婆一個人孤伶伶喺銅鑼灣利園商場行悶街。