政壇：政商定格：李錦力挺寶島單車慈善行
法興喺上星期六日搞咗個單車慈善行，畀機會員工做運動又做吓善事。法興之前喺巴黎同倫敦舉辦過同類活動，慈善行喺歐洲唔算新鮮事，但「踩」入亞洲就只係第三次，今次喺兩日內由台中踩去日月潭，全程約一百一十公里，一百一十個參加者當中，香港員工佔成六十個，法興證券環球股票產品董事Edmon李錦就係其中之一。
Edmond話細細個就學踩單車，平時好享受單車家庭樂，今次去台灣前就孖住屋企人、同事進行咗差唔多十次特訓，好處喺踩慣咗之後Pat Pat唔覺痛！其實佢睇住慈善行「長大」，以前幫公司做社會企業慈善大使時仲有份幫手搞。
