政壇：「校長爸爸」感召獲捐500萬
鮮魚行學校專門取錄窮家子弟，而校長同學生一齊參演一輯醫藥廣告後，唔單止令學校人氣急升，仲帶挈學校收到巨額捐款。「校長爸爸」梁紀昌透露，尋日有個喺八三年上午校畢業嘅校友，因為睇完個廣告覺得好感動，所以返母校捐咗三百萬元，感謝學校多年前嘅悉心栽培，個校友仲話今日會再返學校捐多二百萬元。
梁校長話呢位校友善長為人低調，唔想公開身份，只透露呢位校友自小喺屋企冇人理，全靠學校老師悉心教導，至小六開始突然開竅，升中派位仲順利獲派往名校伊利沙伯中學。完成學業後，子承父業喺魚欄工作，仲將盤生意企業化經營，搞得相當成功。
梁紀昌拍嘅廣告感動一校友捐五百萬予母校。（資料圖片）