坐P牌車夜遊勁炒三人浴血
【本報訊】「新牌仔」夜遊大帽山炒車，導致三男女友人血濺車廂。肇事私家車掛有「P牌」，載有兩男兩女，司機為新牌仔，昨日凌晨二時許，該車沿荃灣荃錦公路大帽山落斜，至香港槍會山對開彎位，突失控剷過對面線，與迎面貨車相撞，私家車車頭毀爛，司機無受傷，但同行兩女一男友人（二十一至二十五歲）均受傷。貨車姓黃（五十二歲）司機亦無受傷，立即報警求助，三名傷者被救出送院，其中姓袁（廿一歲）女傷者，情況嚴重。
姓黃貨車司機稱，事發前他駛經槍會山彎位前，突驚聞刺耳的「響胎」聲，懷疑有對頭車高速掟彎，他以防萬一將車駛埋路邊，果然有飆車高速掠過，當他再開車駛出路面時，肇事私家車已越線剷來，避無可避相撞。警方在現場路面無發現煞車痕。
私家車狂撼貨車，車頭嚴重變形。
私家車女乘客受傷送往醫院。