SUN世代：情傾麻辣羊腩煲
尋尋覓覓，真愛難尋。經常入廚炮製美食、又開班授徒的張倩敏，原來最愛四圍「搵食」。遊遍全球的她，鍾情中菜，更對昆明的麻辣羊腩煲一見鐘情。
提起這個羊腩煲，張倩敏即時垂涎三尺，直言一試難忘：「真係未食過咁好味嘅羊腩煲，羊腩煲同麻辣火鍋mix埋一齊，麻辣得嚟又唔會蓋過羊嘅味道，啲羊肉唔羶但有羊味，去邊都食唔番。」
為尋找煮食靈感，還會環遊全球，到世界各地尋食：「我一落機就會衝上的士，叫司機車我去買餸嘅街巿，邊睇邊食，咁先搵到當地獨特嘅菜式。」而且她還會紙筆隨身，一想到特色小菜就會馬上記下。
