SUN微博：打橫嚟講：議員唔係大晒的！

唉！做得一個「民選」的議員，就好應以身作則，顯露優質行為，像個示範單位咁，做個好榜樣；即使做唔到，也不能「偷換概念」、「混淆視聽」，咁會好易教壞下一代的呢！

香港民建聯小頭目，兼立法會議員陳鑑林，舊年五月被傳媒揭發住所村屋之天台，和地面門前花槽，乃非法僭建物，當時，佢正義凜然地說，若屋宇署證明到係非法僭建嘅，佢咪拆咗去囉！

同年八月，屋宇署向陳鑑林發出清拆令，兼將此物業釘契，但時至今日，已超過一年喇！陳議員不特止沒有清拆非法僭建物，更在電視訪問中說：「全世界咁多僭建啦！……呢件事根本唔係啲咩嘢大事，你哋覺得大事，有啲媒體想有心整我……」並表示已透過申報制度，博唔使拆佢屋企的非法僭建物，但屋宇署強調「已被釘契的村屋，並不適合參與申報計劃」，即說明陳議員是被裁定非法僭建後，才去申報的！另外，屋宇署更說「被發清拆令的住宅，一般屬嚴重個案，不能獲得豁免，不遵從清拆令的人，可被檢控。」

家陣，有一批香港人，自己犯事闖禍後，總愛拉人落水，委過於人。香港被譽為文明之都，乃因法治昌明，議員唔係大晒的。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

email：sunweibo@opg.com.hk

「就係敢爆」網址tv.on.cc/hot