港區全國人大代表九日雲南考察之旅喺上周五圓滿結束，據聞呢個考察團其中一個特色係「遊機河」，期間破天荒搭咗三次內陸機，打破晒過往考察嘅紀錄。有人大嘆今次行程辛苦，但雲南風景如畫，加上有關方面安排周到，即使行程再緊密同辛苦都抵番晒。
剛卸任航運交通界議員嘅人大Miriam劉健儀，返港後隨即喺社交網站上載考察圖片，順道同大家報告吓考察成果。
考察團都有去麗江古城，Miriam話嗰度依家嚴重商業化，佢估計同麗江出咗名有關喎。