政壇：政商定格：孫穎帶學生超豪音樂之旅
有「琵琶公主」之稱嘅孫穎經常帶學生出國觀摩，出年八月將進軍布拉格音樂節。呢個「超豪音樂之旅」為期十二天，只招待一百五十位學生貴賓，可以坐頭等機艙、郵輪，仲有得喺音樂節上表演，每位學生盛惠二十萬港元，但好多名人父母都爭崩頭報名。原來早前喺佢辦嘅鋼琴比賽中獲獎小朋友一樣有得去，可以喺克羅地亞音樂會表演。
孫穎係布拉格音樂節常客，今年八月同老師劉詩昆及來自美、英、法及意大利嘅音樂家同場較技。音樂會後，佢相約多位音樂家玩自駕遊，玩轉捷克、奧地利等歐洲多國。數難忘事，係去到奧地利湖區時，一位俄羅斯鋼琴家興之所至，想話搵番童年回憶，二話不說走去買咗一批新鮮蘑菇，要求餐廳大廚加入雞蛋、洋葱同葡萄籽油同煮，大廚三扒兩撥炒出家鄉風味，食到大家舔舔脷。
孫穎出席完布拉格音樂節後，偷閒喺奧地利湖區享受人生。（受訪者提供）