政壇:政商定格:蔡加讚遊黑山意猶未盡

早前喜運佳鐘錶主席Karson蔡加讚、常務董事梁青華同太子珠寶鐘錶執董朱繼陶等業界名人,齊齊搭私人飛機去摩納哥參加鐘錶珠寶展,順道暢遊賭城蒙地卡羅同黑山共和國,盡享地中海靚景及美食。

Karson話今次係佢首次到前南斯拉夫加盟國黑山遊玩,當地人口僅六十五萬,居民生活樸素,唔似香港咁城市化,令佢留下深刻印象。可惜只係回程時短暫停留喺黑山食飯,未能玩個痛快。咁第日約埋甜心女友汪圓圓再去玩過囉?佢就笑笑口話:「一定會嘅!等我事業有成先啦!」

第一手消息請下載on.cc東方互動iPhone/iPad/Android/Windows Phone Apps

蔡加讚(中)同梁青華(左)把臂歐遊,寓工作於娛樂。(受訪者提供)