政壇：政商定格：中國女首富身家縮水

今年內地經濟唔多掂，喺最新公布的《2012胡潤女富豪榜》就證明咗呢點，龍湖地產董事長吳亞軍雖然蟬聯中國女首富，但佢同其他女富豪，普遍身家都縮咗水。

吳亞軍坐擁380億人仔（下同）排頭位，同時亦都奪得全球白手興家嘅女富豪榜首位，但比起舊年身家420億，副身家就縮水10%；緊隨其後嘅係富華集團陳麗華，身家340億；至於亦曾做過兩屆中國女首富嘅碧桂園楊惠妍就以330億屈居第三，雅居樂嘅陸倩芳同老公陳卓林以215億排第四；曾奪三連冠嘅玖龍紙業張茵則以200億排第五，身家跌超過28%，SOHO中國的張欣亦跌咗近兩成，得番170億，排第六。

上榜嘅50位女富豪之中，平均財富得88億人仔，比舊年少咗差唔多一成，總財富就有4,406億，亦少咗約8%。上榜嘅女富豪好多都係做房地產，比例達22%，包括頭四位都係，但比例就畀舊年少咗2個百分點。