香港摩天高樓數量冠絕全球，有官員就解釋，香港地少人多，樓房被迫愈起愈高，有必要開拓未發展用地疏導向上伸展壓力，呢個係香港深層次矛盾。究竟呢個係咪矛盾？真係見仁見智。仁者說：「喺我有生之年，都好難解決失業率高企嘅問題。」智者話：「咁唔係好難啫：縮短佢嘅有生之年！」同樣，香港樓房格局根本唔存在矛盾，只需要繼續向上發展，高到踩上月球，咁就唔使收地發展都解決到地少人多嘅問題，要表演太空自由落體都容易好多啦！
