43號線削班無諮詢區會

【本報訊】巴士脫班、誤點等問題一直困擾乘客，即使巴士公司將行車時間表調整到較疏落，乘客仍然飽受班次失準之苦。有青衣居民投訴，九巴43號線的班次近月由七分鐘改為十四分鐘一班，結果候車時間實際卻是二十分鐘一班。不少市民更指試過苦候巴士近半小時，對巴士公司的表現失望。

調整後照脫班

青衣長康邨居民鄭先生經常乘搭九巴43號線往葵涌邨，近月發現九巴在未有事先通知下，將班次由七分鐘改為十四分鐘一班，但脫班及班次延誤問題依然毫無改善。「班次疏咗冇通知不特止，仲要一樣係脫班，十四分鐘就變廿分鐘，真係離晒大譜！」葵青區議員徐曉杰則指九巴「拉疏」43號線班次前，事前並沒有諮詢，「43號脫班不嬲都嚴重，運輸署每年都會喺區議會討論巴士路線發展計劃，點解今次完全冇諮詢？」

其實各地區均有市民對九巴班次感不滿，馮先生指很多時要等候二十多分鐘才有巴士，對他這類退休人士影響不大，但對於要上班的打工仔女而言，便會甚為不便。鍾太指，「我等3C巴士，間中都要成半個鐘先有一班車，希望監管緊啲，就唔使等咁耐！」沈先生更直斥，「最離譜試過半個鐘一班巴士，亦試過見到鬼巴經過，運輸署應該睇緊啲！」

運輸署指鑑於43號線使用率偏低，故批准調整班次，但指九巴有在車站及巴士上張貼改動資料，迄今接獲五宗相關投訴。