政壇:政商定格:四叔話賺番夠本先退休

「四叔」李兆基嘅上市公司旗艦係恒基地產,私人投資旗艦就係兆基財經,揸咗好多股票同其他投資。佢前日話唔退休住,要賺番蝕咗嗰啲先,咁即係幾多呀?

四叔話旗下嘅兆基財經喺金融海嘯期間蝕咗近半,但今年跟隨市況回穩追番唔少,依家計數蝕三成左右啦,聲言要追番成平手先諗退休。幾時追得番?佢話:「一年唔得咪兩年,兩年唔得咪三年咯。」

尋日由四叔創辦嘅培華教育基金會舉行三十周年慶祝酒會,佢話做人「要識賺更要識使」,最好使响慈善方面,佢承諾有朝一日恒指重上三萬點,佢就每年撥十億元用嚟資助社會。

第一手消息請下載on.cc東方互動iPhone/iPad/Android/Windows Phone Apps

四叔話若恒指重上三萬點,就每年捐十億做善事。