每年三月北京「兩會」期間，身兼全國人大、政協嘅立法會議員都要中港兩邊走，殊不知呢個情況延續到人大考察團。據聞人大考察團上周四出發訪問雲南，撞正立法會各事務委員會選舉，為咗表示對立法會工作嘅重視，佢哋行程理應後日先結束，但身兼人大嘅工聯會KK黃國健、中總廖長江等六名有雙重身份嘅議員，權衡輕重後決定一同趕返香港。KK話今次提早回港主要係立法會新開局，大家都希望做得好啲喎。再講，咁仲可以坐定定撐特首梁振英喺今日發表施政理念添！