政壇:余彭年捐巨款助窮學生

年屆九十嘅大慈善家余彭年尋日宣布,向香港大學、中文大學、理工大學同科技大學各捐出四百萬元獎學金,作為培育成績優異但家境清貧嘅大學生之用。出席儀式嘅科大副校長Eden翁以登自爆喺美國讀大學時,甫入學一個月就遭逢父親去世,幸好及時得到獎學金先可以完成學業。

Eden媽媽係家庭主婦,父親突然離世令家中失去經濟支柱,壓力好大,所以佢好明白獎學金嘅重要性。今次學校獲得四百萬元獎學金,將會有一百名學生受惠,每名獲三萬八千元資助,餘下二十萬元作為行政費用。

余彭年話過去佢專注喺內地行善,特別係以醫治白內障患者為主嘅光明行動,自言對教育事業關注不足,希望有生之年為教育下一代作出貢獻。佢希望年輕人求學不為升官發財,並向受資助學生開出三個條件,除成績優異、家境清貧之外,仲須有忠孝仁愛嘅高尚品德!

第一手消息請下載on.cc東方互動iPhone/iPad/Android/Windows Phone Apps

余彭年(中)捐出一共一千六百萬元,翁以登(右)同理大校長唐偉章(左)都好多謝佢。