SUN熱辣：希望母親在天國好好生活
「媽媽好錫我同哥哥，佢係虔誠天主教徒，我細個嗰陣，每逢星期日，佢都會帶埋我去教堂參加崇拜。到我大咗，租咗個小地方賣嘢，佢得閒就會落嚟舖頭幫我手，我都未報答親恩，等佢過下啲好日子，佢就唔喺度喇！」提起母親陳婆婆，林女士那充滿憤慨的雙眼忽然通紅起來， 她的眼眸裏滿是傷感、懊惱、後悔。
林女士自小與父母及兄長居於柴灣，父親做苦力、母親則於塑膠廠任職，生活雖非富裕，但一家四口生活總算美滿。
「父母雖然唔係搵好多錢，但都盡力照顧我哋兩兄妹，為我哋供書教學，畀最好嘅嘢我哋。媽媽於五十多歲時退休，做家庭主婦，爸爸其後亦退休，並於○四年因病去世，希望佢哋喺天上可以好好咁過生活！」這正是林女士對至親最深切，亦是最後的祈望。