SUN微博:打橫嚟講:騎呢江南,威舞西環

一個韓國中坑大叔藝人,以極騎呢舞姿,那自創扮騎馬的舞步,配以低俗、簡單、九唔搭八而重複的歌詞,搞出一首名為《江南Style》的怪雞歌,MV一出,竟威震全球,youTube點擊率高達4.5億,刷新健力士紀錄,全世界各地倣效再創作的MV,多到數唔晒,其出人意表,仲誇張過中國作家獲得諾貝爾文學獎。何解一首大家聽唔明嘅韓國歌,會紅爆全球呢?

喺全球經濟低迷下,各地人心慌亂,既窮又怕打仗,就算無戰火,亦都驚有災難,人心惶惶,四圍尋找種種逃避方法。那cheap cheap唔用腦,低低滑稽又唔使睇得明嘅胡鬧嘢,最受歡迎。喂!大家記唔記得,上世紀八九十年代,香港處於九七問題困擾中,嗰啲反智無厘頭嘅笑片,就最賣座嘞!而且,愈騎呢便愈有市場!

其次,南韓政府於九七年全球金融風暴後,時任總統金大中訂立「文化立國」的政策,全力打造韓國文化產業,作為擴張國力的火車頭;故近十多年來的韓風,隨着娛樂和流行文化,席捲全球,並帶動電子產品橫掃國際,不着迹的經濟戰和文化入侵,正體現創意軟實力的威力。

港人最懂執生食腦,是人類中鮮有的創意大社團,講低俗、無厘頭、騎呢和反智的再創造,韓國企埋一邊啦!可惜曾蔭權主政時,白癡得不懂欣賞利用外,更話要打壓,不准「二次創作」!嗱!大家無得發達,都要開心吓o架!幾時至有首《西環Style》呢?

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

就係敢爆:愛美變成爛尾

讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!

email:sunweibo@opg.com.hk

「就係敢爆」網址tv.on.cc/hot

第一手消息請下載on.cc東方互動iPhone/iPad/Android/Windows Phone Apps