政壇：政商定格：母親贈玉伴劉子勤成長

信銀國際尋日搞咗個投資翡翠講座，財富管理同零售信貸部總經理劉子勤話小時候媽媽都有買玉畀佢佗，到依家都仲有戴住。

信銀仲請咗喺翡翠界地位舉足輕重嘅歐陽秋眉教授，教大家應該點樣欣賞翡翠。唔講唔知，原來翡翠喺清朝先傳嚟中國，全世界得五個地方有出產，顏色除咗綠色仲有白色，而絕咗種嘅翡翠先係最值錢，如果要投資呢，起碼值一球（一百萬元）以上嘅翡翠先會多人留意。其實信銀國際呢幾年已經搞咗唔少類似嘅talk，講吓紅酒、當代藝術同名錶，正因為有品味嘅客多咗，除咗有內地人之外，有唔少係本地人。

第一手消息請下載on.cc東方互動iPhone/iPad/Android/Windows Phone Apps

劉子勤（右）依家佗住嘅玉石，原來係由細佗到大。左為歐陽秋眉教授。