SUN世代：賢內助充英文老師
現職投資公司行政總裁的Stanley，中學、大學於澳洲升讀，平日也面對不少外國客戶，其英文水平想必「有番咁上下」。但他卻自爆剛回港時，英文並不好，他有今天的成就，要多得太太的幫忙。
「小學嗰時無打好基礎，英文程度好差，即使後來去咗澳洲讀書，接觸英文機會多咗，但對自己嘅英文都係無咩信心。」Stanley的太太是土生土長的澳洲華僑，英文良好，所以他每當要寫報告或電郵時，都會先給太太過目校對，「呢個情況維持咗兩年，太太可以話係我嘅英文老師！」之後他下定決心學好英文，現在反而角色調換，由他幫太太校對電郵內容比較多。
Stanley與太太高中時開始相戀，至今已踏入十七個年頭。