政壇：政商定格：陳斯允非洲爬山度蜜月
已故時裝設計師俞儷軒嘅次女陳斯允前晚下嫁最大香水連鎖店太子爺、法籍男友Thierry Mandonnaud，結束六年愛情長跑，二人假蓮香居舉行中式婚宴，筵開十七席。出席賓客大多以中式打扮到場，包括有前歌手李蘢怡、邢李 愛女邢嘉倩、丁子高，而Moiselle太子爺陳柏熹仲黐上蝦餃鬚現身，非常搞笑。
陳斯允身穿由本地設計師Peter Lau設計嘅旗袍，佢話：「老公喺上年十月求婚，之後會喺法國搞個小型派對。蜜月會去非洲爬山或者做spa，家姐（陳姿允）都好贊成，因為佢男友係南非人，佢哋都拍咗五年拖。婚後唔急於造人，但有計劃。」佢又話畀老公101分。至於Thierry亦發表愛的宣言：「我會一生一世愛佢。」
陳斯允畀老公Thierry Mandonnaud 101分。
陳柏熹（左）黐蝦餃鬚現身，相當趣怪。