政壇：謝偉銓唔慣被嗌議員
兩名新任立法會議員建仔嘅梁志祥同建築、測量及都市規劃界嘅謝偉銓（Tony），尋日喺電台節目同年輕人對話。選舉結束成個月，佢哋習慣咗議員身份未呢﹖做咗二十幾年元朗區區議員、○八年起仲升埋呢做咗區議會主席嘅梁志祥，畀人叫議員多年，慣晒啦，但Tony卻未代入新角色。
Tony直言未習慣畀人叫「謝議員」，因為以往業界朋友一般都叫佢做Tony，其他人就叫佢做「謝生」。而且，今屆立法會內仲有一位同樣姓謝，佢就係個樣同Tony有七分似嘅獨立建制派議員謝偉俊，因此每當佢聽到有人大嗌「謝議員」，Tony都要先停一停、諗一諗，確保自己同對方都冇認錯人同嗌錯名後，佢先至夠膽回應。
謝偉銓