政壇：善學基金籌款名人力撐
成立咗十八年嘅善學慈善基金，日前舉行「善學彩眼獻關懷」慈善晚宴，好多名人撐場兼熱捐，大美人林青霞都豪捐五十萬元，清朝皇室後裔愛新覺羅．包鏞捐出《百龍圖》字畫供拍賣，佢係唯一結合漢文同滿文嘅少數民族書法家，難怪大作成為當晚競投嘅焦點之一，愛新覺羅．包鏞仲着住清室嘅王爺袍游走全場。
基金創辦人兼城中名媛趙曾學韞見咁多老友撐場，既開心又感動，趙太話，今次籌款嘅受益機構，係微笑行動基金以及文成公主國際基金。善學基金成立以嚟，已支持逾三百個慈善組織，一直堅持零行政費用支出。
趙曾學韞（左）搞慈善騷，藏傳佛教禪修大師兼文成公主國際基金主席夏鉑坦真仁波切夫婦（右及中）專程由尼泊爾來港支持。
愛新覺羅．包鏞着住王爺袍滿場飛，惹人注目。