SUN微博：打橫嚟講：有JETSO，撳住搶

雖然，香港特區政府長期標榜香港是個「國際金融中心」，以「經濟」為首的大都會，老老實實，九七回歸後，有哪一日，此地不是站在政治巨浪的高峰頂上吖？任何事務，即使民生小問題，遠至雙非孕婦大肚婆生仔，近至上水站水貨客搵食，到尾，都跟政治拉上關係，搞到大大鑊收場，總唔會係「民生無小事」了！應是「民生全政治」矣！

嗱！政府開倉照顧貧窮老人家，派發雙倍生果金，不過，要在有條件下進行：「六十五至六十九歲長者須申報入息和資產」，如斯一個關卡，即時點起社會爭拗火頭，正反意見其實有point的，但更快的，已成為各政黨政棍舞刀弄棒、搶灘奪位的大好契機，睇形勢，好難逃得過又一樁「政治事件」的爭端了！

今劑「長者生活津貼」的推展，源自梁振英選特首時，向大眾開列的支票之一，現欲派彩兌現，又怎會咁易無人阻路吖？

更有甚者，藉此老人福利而順道狠狠批鬥「強積金」，只顧有益營運的財團，蠶食供款者的血汗金錢，再者狂炳政府沒有一個完善嘅全民退休保障方案，並要政府正視兼做計劃！

睇住吖！若梁政府不好好地小心擺平各方政治利益，稍一差池，又會係另一政治炸彈大爆炸的災難事故，好事變壞事！

今日，凡政府推出政策，總有阻滯，完全多得那些水皮二三流政客們搞搞震，真係唔知點算好！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊　（目及）實政府

就係咁爆：愛美變成爛尾

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot