政壇：每事答李家超無懼留難
根據尋日上網嘅利益申報資料，由警隊過檔保安局做副局長嘅John李家超，不但冇任何政黨背景，物業方面亦只得何文田一個連車位嘅自住單位，仲要係同太太聯名，其他就只有兩個警察會所會籍，身家非常「清白」。
消息指阿John呢個何文田單位鄰近伊利沙伯醫院，稱得上係豪宅，已經住咗十幾年。至於佢太太係家庭主婦，兩個仔都喺港大畢業，大仔仲喺法國攞到碩士學位，依家喺大機構做商業顧問，細仔就做銀行工，阿John就算唔入熱廚房都唔使憂。
據聞佢喺決定離開警隊投身政界前，都諮詢過兩個仔嘅意見，佢哋梗係擔心爸爸會畀班立會議員留難啦，但阿John就自言有晒心理準備，會盡量解答到大家滿意為止，所以兩個仔最後都好支持佢。
李家超