政壇:選舉揼本王每票過百元

立法會地方選區同功能界別候選人,陸續向選舉事務處提交開支申報表。其中同樣低票落選嘅工程界候選人陸宏廣同金融服務界候選人林德明,分別用咗四萬一千八百蚊同八百四十蚊,除開所得票數,平均一票成本要過百蚊,值唔值得見仁見智。

屢敗屢戰嘅陸宏廣今屆只攞到三百九十二票,比當選嘅經民聯盧偉國少成二千五百票。雖然係咁,佢嘅選舉工程仍然做得一絲不苟,包括請咗三個代理人幫佢打點競選活動,用咗萬幾蚊印製選舉宣傳品,包括喺工程師學會網站賣廣告,又用咗二千幾蚊買墨水同交電話費等。

第一手消息請下載on.cc東方互動iPhone/iPad/Android/Windows Phone Apps