SUN微博：打橫嚟講：無人見，但有天知

「女為悅己者容」，加上，愛美是人之天性，女孩子整身扮靚，以最Fit狀態示人，乃十分正常，亦是商人瞄準掠水的大好契機，坊間遂出現大量各式各樣，甚至莫名其妙，巧立名目的「美容」項目，氹人落疊。

所謂的「美容」，最恐怖嘅，莫過於那些「美容」名義包裝的違法療程，將未得認許的醫療行為非法地偷雞進行，由一啲無良缺德sell屎佬走法律罅，吹到懶前衞。為免遲早畀人拉，有啲更加度定卸責脫身方法，例如成立嘅公司在海外註冊，股東及董事則身份不明，令人追究困難；就算發生事故亦不用負上刑責，但有錢搵時，就全落袋，兼密謀上市，正冚家慘！

嗱！嗰啲所謂美容療程，真係好很得人驚o架！乜鬼「肉毒桿菌」（煲陀），大家知唔知係啲乜呢？看廣告，又話有「膠原活肌」喎！咁！係乜膠嚟嘅呢？更見話「賀爾蒙豐胸」，究竟香港政府有無規管o架？何解會通街明目張膽的大肆招搖，卻不受制裁？

好啦！昨日有一位「愛美之人」，不幸被「打毒針」而過身，在此本人嚴厲的向香港政府問責，要盡快揪出「殺人元兇」，不能畀佢哋置身法外，還死傷者一個公道。

做人，搵錢，先要有良知，就算唔怕生仔無屁股，都要記住同仁堂製藥的家訓：「修合無人見，存心有天知」，咁！出街落雨都不怕行雷閃電也！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

就係咁爆：愛美變成爛尾

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot