生在強國，一日唔死都仲有新畸事。所謂君子不立危牆之下，強國一名女子竟然危坐窗邊玩手機，途人不值其不君子所為，報警舉報呢位危險女人，仲出動咗三架警車、一架消防車同二十名人員請佢「自重」。女人事後解釋，佢只係想坐出一啲，可以接收到鄰居嘅免費WiFi上網，估唔到會招致不安報警然後搞大件事。呢個故事話畀我哋知，其實內地同香港一樣，有好多「不安的君子」，所以大家要時刻準備着，將文明進行到底！
